Hopp til hovedinnhold

Kronprinsen til EM i surfing

Laurdag 7. oktober besøker H.K.H. Kronprinsen Klepp i samband med opninga av Eurosurf på Borestranda

Pressemelding frå Fylkesmannen i Rogaland:

Kronprinsen deltar også under opningsarrangementet i Stavanger konserthus på kveldstid. 

Kronprinsen er medlem av hovudkomiteen for Eurosurf 2017, som finn stad på Borestranda i Klepp i perioden 7. – 16. oktober. Han har derfor deltatt på fleire møte i regionen vår i 2017.

Besøker arrangementsområdet på Borestranda

Kronprinsen kjem til Borestranda kl. 10.25 laurdag føremiddag. Her skal han få ei omvising på arrangementsområdet, i tillegg møter han norske deltakarar som er i gang med konkurransane. Det blir også lagt opp til eit pressetreff kl. 10.40.

Også søndagen skal kronprinsen følga konkurransane på Borestranda.

Opningsseremoni i Stavanger konserthus

Kl. 17.50 laurdag ettermiddag kjem han til Stavanger konserthus, der den offisielle opninga av Eurosurf 2017 finn stad. Kronprinsen skal mellom anna stå for opningstalen.

Akkreditering

Presse som ønsker å dekka arrangementet på Borestranda og i Stavanger konserthus, sender ein e-post med namn og kontaktinformasjon (e-post og mobil) til journalist/fotograf til John Gunnar Skien, kommunikasjonssjef hos Fylkesmannen i Rogaland innan fredag 6. oktober kl. 10.00.

Meir informasjon

  • Christian Lagaard, kommunikasjonsrådgivar, Det kongelege hoffet. Mob. 974 74 755
  • Ane Mari Braut Nese, ordførar i Klepp. Mob. 413 11 835
  • Tore Kramer, Eurosurf. Mob. 901 86 841.

 

 

04.10.2017

Del denne artikkelen på Facebook eller Twitter