Årsmeldingar

Årsmeldinga inneheld oversikt over det offisielle programmet til Kongehuset, ein presentasjon av Det kongelege hoffet og aktivitetane til hoffet, og dessutan rekneskapen for Den kongelege civillista, DD.HH.KK. Kronprinsen og Kronprinsessas stab og Opent Slott.

Offisielt program

H.M. Kongen har i 2012 delteke ved 225 offisielle arrangement i Noreg og internasjonalt, mens H.M. Dronninga deltok ved 102 offisielle arrangement, Den Høgvørde Kronprinsen var til stades ved 161 offisielle arrangement og Den Høgvørde Kronprinsessa ved 90 offisielle arrangement.

I alt vart 53 kommunar i 17 fylke og Svalbard besøkte, mens det vart gjennomført fleire besøk til utlandet. Fylkesturen til Kongeparet gjekk til Vestfold i juni, mens fylkesturen til Kronprinsparet vart lagd til Møre og Romsdal i mai.

Kongen og Dronninga gjennomførte statsbesøk til Polen i mai, mens DD.HH.KK. Kronprinsen og Kronprinsessa var på offisielt besøk til Indonesia i april.

Rekneskap

Bruken av løyvingane frå Stortinget til Det kongelege hoffet (Civillista) og til DD.HH.KK. Kronprinsen og Kronprinsessas stab blir rapportert årleg. Apanasjen til Kongen og Dronninga og til DD.HH.KK. Kronprinsen og Kronprinsessa skal dekkje forvaltning, drift, vedlikehald og utvikling (FDVU) av dei private eigedommane, offisielle antrekk og dessutan private utgifter.

Årsrekneskapen for Den kongelege civillista er gjord opp med eit resultat som viser eit underskot på 3 699 858 kroner. Underskotet er planlagt og blir dekt av avsetjingar frå overskotet i 2011, 1 286 853 kroner frå avsetjingar til særskilde prosjekt og 2 413 005 kroner frå ordinære avsetjingar.

Årsrekneskapen til DD.HH.KK. Kronprinsen og Kronprinsessas stab viser eit underskot på 466 072 kroner. Underskotet er planlagt og blir dekt av avsetjingar frå tidlegare år.

Årsrekneskapen for Opent Slott viser eit underskot på 44 162 kroner. Heile underskotet er framført. Den kongelege civillista vil tilføre eininga tilstrekkeleg likviditet for vidare drift.

Årsberetningen for 2012 er primært tilgjengelig elektronisk, som PDF. Både denne og tidlige års meldinger kan lastes ned via pekerne til høyre.