Dronnega ruvdna

Dronnetruvdna ráhkaduvvui Dronnet Desirée ruvdnemii 1830:s, muhto váldojuvvui easka 1860:s atnui Dronnet Louise ruvdnemii.

Dronnetruvnna leaba ráhkadan Erik Lundberg ja Marc Giron Stockholmas Dronnet Desirée plánejuvvon ruvdnemii 1830:s. Desirée lei Gonagas Carl Johana Dronnet, muhto ii lean ruvdnejuvvon suinna oktanis 1818:s. Muhto dát ruvdnen ii šaddan goassege čađahuvvot, ja dronnetruvdna lei vuosttaš geardde anus Dronnet Louise ruvdnemis 1860:s.

Hábmen

Dronnetruvdna lea hábmejuvvon gollesojuiguin. Sojut bohtet oktii čohkas, alit emálja riikaeappela vuolde, mii lea hervejuvvon bearralbáttiin ja bearralruossain. Ruvdnarieggá bajemus ravda lea maid hervejuvvon bearralbáttiin, mas leat 153 bearrala.

Purpurrukses fløyelvuođus leat dollanjuokčamat, mat leat gorrojuvvon 1578 unna binna bearralaččaiguin. Ruvdnarieggá váldo čikŋageađgi lea stuora ametysta.

Materiálat

Ruvdna lea ráhkaduvvon silbbas mii lea hui šealgadin gellehuvvon ja birassojut lea gollis. Dasa leat ráhkaduvvon ametyster, citriner, krysopraser ja topas hearvvat ja ollu bearralat leat vel čikŋan.

Allodat: 17 cm
Diamettar: 14 cm
Deaddu: 534 g.