Norsk sjukepleiarforbund 100 år
24. september i 1912 vart Norsk sjukepleiarforbund grunnlagt. H.M. Dronninga var måndag kveld til stades på markeringa av 100-årsdagen i Operaen i Oslo.
Dronning Sonja overvar den spesiallaga festtilstellinga saman med over 1000 gjester. Dei aller fleste var medlemmer av Norsk sjukepleiarforbund. Forbundsleiar Eli Gunhild By ønskte velkommen, og statsminister Jens Stoltenberg talte til jubilanten.
Trommekorpset til forbundet opna tilstellinga med taktfaste rytmar og slag, og det heile vart avslutta med at alle gjestene song med på «Gratulerer med dagen».
– Gjer ein forskjell
Det blir arrangert fem regionale fagkonferansar i løpet av jubileumsåret. Det blir òg vist ei utstilling på Teknisk Museum om 100-årsjubilanten og rolla til sjukepleiaren frå vogge til grav. Den raude tråden i jubileet er at sjukepleiarar gjer ein forskjell.
I framhaldet av jubileumsmarkeringa blir den 9. nasjonale sjukepleiarkongressen arrangert i Oslo Spektrum tysdag og onsdag med tittelen «Sykepleie for fremtiden – erfaring gjennom 100 år». Det faglege programmet blir bygd opp rundt tema som kompetanse, kvalitet og kontinuitet som avgjerande for god sjukepleie.
Stort fagforbund
Mykje har skjedd sidan ei kvinne ved namn Bergljot Larsson etablerte Norsk sjukepleiarforbund for 100 år sidan. Da var det ikkje så mykje snakk om åttetimarsdagar, og kallstanken stod sterkt. Det innebar at sjukepleiarane ofte budde på sjukehusa og ikkje gifta seg.
I dag er Norsk sjukepleiarforbund det fjerde største fagforbundet i Noreg med over 99 000 medlemmer over heile landet.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.