Conrad Svendsen-senteret
I dag opna Prinsesse Märtha Louise den nye omsorgsbustaden "Skråningen" ved Conrad Svendsen Senter på Nordstrand i Oslo. Senteret er eit tilbod til vaksne døve og døvblinde med behov for tilrettelagde tenester.
Senteret består av omsorgsbustader, eit dagsenter og ei utgreiingseining. Med "Skråningen" fekk Conrad Svendsen Senter 18 nye omsorgsbustader.
I etterkant av den offisielle opninga fekk Prinsessa ei omvising i nybygget og to av leilegheitene der. Deretter gjekk turen til hovudbygningen, der bebuarane blant anna hadde laga ei eiga fotoutstilling i samband med nybygget.
Historie
Conrad Svendsen vart utnemnd til prest for døve i 1895 og tok fatt på ei omfattende kartlegging. Av dei 1200 døve han hadde registrert ved utgangen av 1896, var det 300 som aldri hadde fått noka opplæring og derfor heller ikkje hadde vorte konfirmerte. På den tida vart ein ikkje rekna som ein fullverdig medlem av samfunnet før ein vart oppteken i dei vaksnes rekkjer gjennom konfirmasjon. Conrad Svendsen såg behovet for eit tilbod om opplæring til desse døve som hadde falle utanfor samfunnssystemet. Han fekk ideen om å kjøpe eit hus nær Kristiania for å kunne samle døve til undervisning.
Dette er bakgrunnen for det som skulle utvikle seg til å bli senteret som ber namnet hans.
Conrad Svendsen Senter er ein del av Stiftelsen Signo, som er ein sjølvstendig, diakonal stiftelse innanfor Den Norske Kyrkja.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.