Hopp til hovedinnhold

Festspela opna

H.M. Kongen opna dei 57. Festspela i Bergen i dag. Festspela presenterer kunst innanfor alle genrar: musikk, litteratur, teater, dans, opera og biletkunst, og er den største festivalen for musikk og teater i Norden.

20.05.2009

Festspela formulerer det viktigaste målet sitt som "å presentere kunst på høyeste nivå til flest mulig mennesker".

Høgdepunkt på årets program er blant anna:

  • To nye teaterproduksjonar av Vegard Vinge/Ida Müller og Tore Vagn Lid.
  • Brei presentasjon av elektronikapioner Knut Wiggen.
  • Bent Sørensens musikkteater Sounds Like You har urpremiere.
  • Brecht og Weills Tolvskillingsopera i regi av Robert Wilson.
  • Stor markering av Jon Fosses 50-årsjubileum.
  • Nokre av dei fremste barytonane i verda: Bryn Terfel, Matthias Goerne, Peter Mattei og Dietrich Henschel.
  • Sopranen Anne Sofie von Otter, Sissel Kyrkjebø og Det Norske Solistkor.
  • Leif Ove Andsnes, Julian Rachlin og Mischa Maisky.
  • Musikkteater med Bent Sørensens Sounds Like You med Trond Espen Seim og Anneke von der Lippe i rollene.
  • Ein konsertversjon av Bela Bartóks Riddar Blåskjeggs borg.
  • Musikalsk samarbeid med hindutempelet i Bergen som presenterer klassisk musikk og dans frå Sør-India.
  • Samarbeid med Kringkastingsorkestret om to konsertar med Gabriel Fliflet og Truls Mørk i selskap med Andrew Manze.
  • Carte Blanche presenterer tre forskjellige framsyningar på tre forskjellige stader i løpet av Festspela, deriblant ein urpremiere av Eva Cecilie Richardsen.

Leonard Rickhard er Festspelkunstnar 2009.

Del denne artikkelen på Facebook eller Twitter

Del på Twitter Del på Facebook