Munch i Danmark
Utstillinga utforskar kva Danmark hadde å seie for Munchs kunstnariske utvikling. I København knytte han band til danske kunstnarar og diktarar, og gjennom den danske kona til Paul Gauguin, Mette Gauguin, vart han kjend med blant anna Gauguins kunst. Diktarane Emanuel Goldstein og Helge Rode var viktige for den påverknaden impresjonismen og symbolismen fekk på Munchs kunst i 1890-åra.
Utstillinga vekte stor interesse da ho vart vist i Ordrupgaard utanfor København hausten 2009. Dronning Sonja var beskyttar for utstillinga i Danmark og har òg skrive føreordet i utstillingskatalogen.
Opninga
Utstillinga vart opna av ordføraren i Oslo, Fabian Stang, og det var musikalske innslag frå Oslo strykekvartett. Etter opninga fekk Dronninga ei omvising i salane der det hovudsakleg blir vist måleri frå utstillinga på Ordruupgaard. Men òg enkelte av Munch-museets eigne bilete blir stilte ut.
Det er den austerrikske Munch-eksperten Dieter Buchhart som er kurator for utstillinga, i samarbeid med Munch-museet. I tillegg til bilete frå museets eiga samling viser utstillinga Munch-verk som er lånte inn frå andre samlingar i inn- og utland. Dette er òg eit høve til å sjå måleri av Paul Gauguin og dei franske impresjonistane Camille Pissaro, Claude Monet og Berthe Morisot frå Ordrupgaards samling.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.