Opna ONS 2010
Hans Majestet Kongen opna ONS 2010 i Stavanger i ettermiddag. Arrangementet omfattar både utstilling, konferanse og festival og har vore ein viktig internasjonal møtestad for verksemder innan olje og energi sidan etableringa i 1974.
Petroleumsindustrien er hovudfokuset for messa, men ho omfattar òg i aukende grad alternative energiformer. Kong Harald poengterte dette i opningstalen sin, samtidig som han understreka at det vil ta lang tid før meir miljøvennlege alternativ kan erstatte oljen. Utvikling av stadig sikrare og reinare petroleumsteknologi er derfor svært viktig, og kunnskapsutveksling som den ONS (Offshore Northern Seas) gjer mogleg, står heilt sentralt:
"The catastrophe in the Gulf of Mexico is a reminder to us all of the challenges and risks linked to deep sea activities. It is important that the industry’s technical experts come together at events such as ONS. In the quest for safer ways of producing oil and gas, it is vital that you openly exchange ideas and inspire each other.", sa Kongen.
Omvisning
I forkant av opningsseremonien fekk Kong Harald ei omvising på messeområdet av administrerande direktør Kjell Ursin-Smith. Her var første stopp i Centre Court – ONS-parken, som Kongen opna ved å klippe over ei snor.
Under den vidare omvisinga fekk Kongen informasjon frå ei rekkje nasjonale og internasjonale aktørar som deltek på energimessa, før han deltok ved Stavanger kommunes lunsj.
Paneldebatt: Energy for more people
Tema for årets messe er ”Energy for more people” og adresserer blant anna det sentrale spørsmålet: Korleis gjere energi tilgjengeleg for stadig fleire menneske utan å belaste miljøet meir enn det kan tole?
”Energy for More people – a global perspective” er òg tittelen på paneldebatten som starta klokken 15.00, etter ei innleiing ved statsminister Jens Stoltenberg. Kong Harald er til stades under debatten, før han forlèt konferansesalen for samtalar.
Samtalar
Som avslutning på dagen ved ONS vil Kongen ha samtalar med den britiske energiministeren Charles Hendry og energiministrane frå Elfenbeinskysten og Ghana, H.E. Augustin Kouadio Komoé og dr. Joe Oteng-Adjei.
Aktuelle saker
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.