En folkefiende i Oslo
Bestillingsverket frå Rimini Protokoll er bygd over Ibsens "En folkefiende" og har hundre representantar for befolkninga i Oslo i hovudrolla. Stykket handlar om Oslo, om oss alle, om folkeopinionen, om gruppepress og enkeltmenneskets ansvar. Kva ville kvar og ein av oss gjort dersom vi oppdaga ròtenskap i byen? Kva ville vi vore villige til å ofre for sanninga?
Spørsmåla Henrik Ibsen stilte sin doktor Stockmann overfor i 1882, er like aktuelle i dag, når nytolkinga stiller skodespelarar og publikum overfor tilsvarande val.
Opning framfor Nationaltheatret
Den offisielle opninga av festivalen vart halden på plassen framfor hovudinngangen til teateret. Teatersjef Hanne Tømta la ned krans på statuen av Henrik Ibsen, og utanriksministeren heldt ein opningstale der han la vekt på kva Ibsen har betydd for Noreg og verda.
Deretter vart dørene til teateret slått opp, og Kronprinsen markerte opninga av festivalen ved å vere den første som gjekk inn. Her fekk Kronprins Haakon og Gahr Støre ei innføring i stykket og regigrepa som er gjorde i denne moderne nytolkinga av Ibsens klassikar, før sjølve framsyninga starta klokka 20.00.
Ein hyllest til Noregs største dramatikar
Ibsenfestivalen har utforska Ibsens verk i over 20 år og presentert publikum for nærare 200 ulike oppsetjingar. Årets festival er den 13. i rekkja og byr på 10 premierar, 8 gjestespel og meir enn 45 arrangement på 14 ulike scenar. Blant framsyningane er tolkningar av Peer Gynt, Villanden og Et dukkehjem, i tillegg til stykke av andre dramatikarar. Årets Ibsenfestival varer frå 23. august til 9. september.
Aktuelle saker
Åpnet Norsk Folkehjelps påskeberedskap
Deres Kongelige Høyheter Kronprinsregenten og Kronprinsessen åpnet årets påskeberedskap for Norsk Folkehjelp i dag. – Vi er imponert over arbeidet dere gjør - spesielt nå i påsken, sa Kronprinsparet til de frivillige.
Gjekk Ridderrennet
Den Høgvørde Kronprins Haakon var denne helga til stades på Beitostølen der Ridderrennet markerte sitt 60-årsjubileum. Saman med Gustav på 14 år gjekk Kronprinsregenten det tradisjonsrike langrennet.