Besøkstenesta 60 år

Det er i dag 6000 besøksvenner knytte til Raudekrossen i Noreg som besøkjer menneske som opplever einsemd og isolasjon.

Besøksvenner

I talen sin til jubilanten fortalde Kronprinsesse Mette-Marit om møtet i førre veke med Jørgen på 27 og Marta på 85. Dei to er ein del av Besøkstenesta til Raudekrossen i Bergen:

– I møte med Besøkstjenesten i Bergen ble det tydelig for meg at skillet mellom den som ”gir” og den som ”får” var helt visket ut, sa Kronprinsessen.

– Dette synes jeg ble så fint illustrert av Jørgen – besøksvennen på 27 år – som sa: "Nå planlegger jeg å smugle med min venninne på 99 til Sør-Amerika. Tenk så gøy vi ville fått det på tur!" Marta på 85 repliserte: "Du kan godt få begynne å komme til meg også – jeg tar gjerne to, jeg."

Takket

Kronprinsessa er beskyttar for Raudekrossen i Noreg og nytta høvet til å takke alle som gjer ein innsats for Besøkstenesta:

– Vi feirer ganske enkelt at mennesker er til for hverandre, sa Kronprinsessen i talen.

Markeringa skjedde i lokala til Raudekrossen i Oslo. Det var innlegg frå blant anna president Sven Mollekleiv i Raudekrossen, helse- og omsorgsminister Anne-Grete Strøm-Erichsen og Ole Robert Reitan i daglegvarekjeda Rema1000.