Følgjer OL i Vancouver
H.K.H. Kronprins Haakon er til stades i Vancouver og følgjer innsatsen til dei norske utøvarane i vinterleikane. Kronprinsen er i OL-byen 12.-17. februar.
Aller først overvar Kronprins Haakon den store opningsseremonien som innleidde leikane. Canada - og ikkje minst den canadiske urbefolkninga, leikane blir haldne på deira land - ønskte over 5500 utøvarar og støttespelarar frå meir enn 80 land velkommen.
Det var ishockeyspelaren Tommy Jakobsen som hadde æra av å bere flagget da den norske troppen marsjerte inn på stadion.
Norske øvingar
Hopp normalbakke var den første øvinga Kronprinsen besøkte, før kvinnenes sprint i skiskyting. Søndag fekk Kronprins Haakon sjå Emil Hegle Svendsen ta Noregs første medalje, da Hegle Svendsen fekk sølv i mennenes skiskytarsprint.
Søndag vart det òg høve til eit besøk i den norske sjømannskyrkja i Whistler, i tillegg til kombinert hopp og langrenn.
I dag og i morgon skal Kronprinsen etter planen sjå:
- Langrenn 10 km, kvinner
- Langrenn 15 km, menn
- Superkombinasjon utfor, menn
- Snowboard cross, kvinner
Opplevingar på Twitter
Kronprins Haakon sender meldingar om inntrykka og opplevingane sine via Kronprinsparets kanal på Twitter. Her kjem òg helsingar til dei norske utøvarane.
- Gratulerer med første norske sølv Emil Svendsen. Knallbra. Også imponerende med 14. plass for Bjørndalen med 4 bom, twitra Kronprinsen etter skiskytarsprinten søndag.
Kongen og Dronninga
20. februar kjem Kong Harald og Dronning Sonja til OL-byen. Dei vil følgje leikane fram til 27. februar.
Aktuelle saker
Åpnet Norsk Folkehjelps påskeberedskap
Deres Kongelige Høyheter Kronprinsregenten og Kronprinsessen åpnet årets påskeberedskap for Norsk Folkehjelp i dag. – Vi er imponert over arbeidet dere gjør - spesielt nå i påsken, sa Kronprinsparet til de frivillige.
Gjekk Ridderrennet
Den Høgvørde Kronprins Haakon var denne helga til stades på Beitostølen der Ridderrennet markerte sitt 60-årsjubileum. Saman med Gustav på 14 år gjekk Kronprinsregenten det tradisjonsrike langrennet.