Hopp til hovedinnhold

Opne plassar i Domkyrkja

Eit avgrensa tal på billettar blir lagde ut for dei som ønskjer å vere til stades på markeringa av Kronprinsparets 10 års bryllaupsdag i Oslo Domkyrkje.
11.08.2011

Gudstenesta blir halden torsdag 25. august klokka 15.00.

I tillegg til inviterte gjester frå det offisielle Noreg, venner og familie, og menneske frå miljø Kronprinsparet har samarbeidd med gjennom mange år, ønskjer Kronprinsparet å stille 200 plassar til disposisjon for dei som har lyst til å delta.

Inngangskort Oslo Domkyrkje

Inngangskorta er gratis og kan hentast på Oslo Domkyrkjes soknekontor i Kirkeristen, Karl Johans gate 11, tysdag 16. august frå klokka 16.00 til 18.00, maks 2 per person.

Dersom det er fleire inngangskort igjen, blir det òg mogleg å hente dei same stad, same klokkeslett dagen etter. Det blir ikkje mogleg å førehandsreservere. Korta må visast fram ved inngangen til Domkyrkja 25. august.

Universitetsplassen

For dei som ikkje får plass i Domkyrkja, blir det òg mogleg å ta del i det etterfølgjande arrangementet på Universitetsplassen klokka 16.00, der 10-årsjubileet for Kronprinsparets Fond skal markerast.
 

Relaterte lenker

Del denne artikkelen på Facebook eller Twitter

Del på Twitter Del på Facebook