Støtta norske utøvarar i Rio
Det har vore nokre spennande dagar for H.K.H. Kronprins Haakon under sommar-OL i Brasil. Meisterskapen vart avslutta natt til måndag.
22. august 2016
Kronprinsen har fått oppleve ei rekkje sterke idrettsprestasjonar i løpet av dagane i Rio dei Janeiro. Først ute var kvalifiseringsheata i BMX der Tore Navrestad var med. Så følgde Kristian Blummenfelts innsats i triatlon, handballjentenes semifinale-thriller mot Russland og den påfølgjande bronsefinalen mot Nederland. Det vart høve til å følgje damenes tredje og fjerde runde i golf, der Suzann Pettersen og Marianne Skarpnord var i aksjon, og å sjå fleire spennande finalar på friidrettsarenaen – blant anna med Karoline Bjerkeli Grøvdal på damenes 5000 meter.
Kvinnenes mountainbike var den siste øvinga Kronprins Haakon fekk med seg.
Utanom arenaen
Kronprinsen fekk òg eit inntrykk av stemninga i OL-byen gjennom besøk hos norske idrettsfolk i deltakarlandsbyen og i det norske generalkonsulatet, der han blant anna kunne helse på fleire av dei norske seglarane. Eit besøk til den nye sjømannskyrkja i Rio vart det òg høve til. Ho er oppkalla etter Prinsesse Ragnhild og opna i 2014.
Sjå bilete frå Kronprinsens OL-besøk i galleriet til høgre.
OL i Rio
