Opna kyststiar i Troms
Kyststiane på Vannøya legg til rette for vandringar i vill, vakker og unik natur, karakteristisk for dei ytre kyststrøka i Troms. Landskapet er eit kjent landemerke på norskekysten med urørt natur, kvite strender og mektige fjell.
Kyststiane er eit prosjekt i regi Ishavskysten friluftsråd. Det er tilrettelagt med skilt og tavler som har som mål å gjere Skipsfjord – som vart det første landskapsvernområdet i landet i 1978 – betre tilgjengeleg.
I 2004 vart det registrert 72 fugleartar og 12 artar pattedyr i Skipsfjord landskapsvernområde.
Opning på bygdehuset
Dronning Sonja kom til nordaustsida av Vannøya med Kongeskipet Norge og vart følgd av småbåtar på veg inn til hamna i Kristoffervalen.
Rundt klokka 11 fredag føremiddag la sjaluppen frå Kongeskipet til småbåthamna, der Dronninga vart ønskt velkommen av hamnesjef Jan-Hugo Sørensen. Dronning Sonja fekk ei kort orientering om skuta Brottsjø av leiar Robin Bottolfsen i Brottsjø kystlag, før følgjet køyrde vidare til bygdehuset i Vannavalen, der den offisielle opninga av kyststiane vart gjennomført.
Fleire hundre menneske hadde funne seg til rette på bygdehuset på Vannøya med flagg, kaffi, brus og fiskeburgarar. Det vart kulturelt innslag ved Ringvassøy musikkorps, før ordførar Hanny Ditlefsen og styreleiar i friluftsrådet Mona Pedersen heldt sine talar. Dronninga stod for opninga av kyststiane ved å avduke ei informasjonstavle.
Kulturvandring på Karlsøya
Etter opninga vandra Dronningen langs den første delen av kyststien til Perolsavika, der ho vart servert historier frå tida da folk levde sine liv der, av bygdebokforfattar Håvard Dahl Bratrein og historieforteljar Ellinor Elvevoll. Mange av innbyggjarane vart med på vandringa.
Tilbake ved bygdehuset fekk Dronninga ei omvising i ei kunstutstilling med dei fire kunstnarane Hanne Nilsen, Berit Paulsen, Willy Wilhelmsen og Karin Schjølberg, som alle har ei tilknyting til området. Sistnemnde er ein lokal glaskunstnar på Reinøya som òg har laga fatet som Dronninga fekk i gåve frå Karlsøy kommune i høve besøket. Klippfisk frå Vannøya følgde òg med.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.