Bisetjing
Hans Majestet Kong Harald var til stades da Hjalmar «Hjallis» Andersen vart bisett frå Tønsberg domkyrkje i dag. Den store idrettsmannen døydde på Ullevål sjukehus 27. mars, 90 år gammal.
I løpet av karrieren sin på skeisebanen vart heile Noregs «Hjallis» både noregsmeister, europameister, verdsmeister og olympisk meister. Med tre OL-gull på heimebane i Oslo i 1952 vart han legendarisk.
Statsminister Jens Stoltenberg heldt minnetale over «Hjallis» under bisetjinga i dag:
– Eit heilt folk omkransar i dag båra til Hjalmar Andersen. Vi følgjer skeisekongen til hans siste kvile slik nordmenn på 50-talet følgde han i kvar sving, kvar veksling og kvar målgang på tribunen og radio. Den gongen jubla vi. No sørgjer vi. Først og fremst takkar vi for Hjallis sitt bidrag til å forme ein heil nasjon, sa statsministeren i talen sin.
Idrettspresident Børre Rognlien og tidlegare skeiseløpar og idrettsleiar Hroar Elvenes var òg blant talarane under bisetjinga. Domprost David Gjerp forretta.
Statsgravferd
Regjeringa æra Hjalmar Andersens minne gjennom ei gravferd på statens kostnad. I meldinga frå Statsministerens kontor heiter det:
«Hjalmar Andersen ble en idrettslegende mens skøytesporten var en del av nordmenns identitet, og han gikk inn i arbeidet for norske sjøfolk på en tid da skipsfarten var innvevd i nasjonens sjel. Slik bidro Hjallis til å forme viktige sider av etterkrigstidens Norge, og slik vant han en stor en plass i hjertene til flere generasjoner nordmenn.»
Hjalmar Andersen er den tredje idrettsutøvaren som blir heidra med gravferd på statens kostnad. Tidlegare har Birger Ruud og Grete Waitz vorte æra på denne måten.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.