Kongen delte ut Krigskorset
Hans Majestet Kongen delte ut Krigskorset med sverd til løytnant Lars Kristian Lauritzen og major Kristian Bergh Stang under markeringa av frigjeringsdagen og den nasjonale veterandagen på Akershus festning i dag.
Seremonien på Akershus starta med at Kongen inspiserte eit æreskompani og la ned krans ved Nasjonalmonumentet. Før medaljeseremonien talte statsminister Jens Stoltenberg. Det er Kongen i Statsråd som har vedteke å tildele Krigskorset med sverd til Lauritzen og Stang.
Landets høgaste utmerking
Løytnant Lars Kristian Lauritzen fekk Krigskorset med sverd for å ha utvist særleg framståande tapperheit og mot under kamphandlingar i 2007. Major Kristian Bergh Stang er tildelt Krigskorset med sverd for å ha utvist særleg framståande mot og leiing under kamphandlingar i 2008.
Krigskorset med sverd er den høgaste dekorasjonen det offisielle Noreg kan gje.
Fleire soldatar vart òg tildelte St. Olavsmedaljen med eikegrein og Krigsmedaljen under seremonien i dag.
Aktuelle saker
Åpnet Norsk Folkehjelps påskeberedskap
Deres Kongelige Høyheter Kronprinsregenten og Kronprinsessen åpnet årets påskeberedskap for Norsk Folkehjelp i dag. – Vi er imponert over arbeidet dere gjør - spesielt nå i påsken, sa Kronprinsparet til de frivillige.
Gjekk Ridderrennet
Den Høgvørde Kronprins Haakon var denne helga til stades på Beitostølen der Ridderrennet markerte sitt 60-årsjubileum. Saman med Gustav på 14 år gjekk Kronprinsregenten det tradisjonsrike langrennet.