Promoterte Noregs arbeid med kvinnehelse
D.H.K. Kronprinsesse Mette-Marit deltok i to paneldebattar om kvinners helse på dag to av besøket i Malaysia. Kronprinsessa besøkjer landet i samband med konferansen Women Deliver.
Den første paneldebatten var i regi av FNs aidsprogram UNAIDS og fokuserte på korleis unge kvinner – ikkje minst dei som sjølve er hiv-positive – kan bli mest mogleg involverte i prosessane.
Som ein del av innlegget sitt valde Kronprinsessa å gje ordet til tre av dei unge kvinnene ho snakka med på eit formøte for unge leiarar måndag. Dei trekte fram tre viktige punkt:
- Behovet for informasjon – gjennom obligatorisk seksualundervisning i skolen
- Behovet for å invitere ungdom inn i fora som reell ressurs, ikkje som symbolske representantar for ei gruppe
- Og til sist: Behovet for å snakke saman på tvers av generasjonar, i familiane, for å bryte ned dei kulturelle barrierane som hindrar kvinner verda over å bestemme over sin eigen kropp
Investering i jenter
Seinare på dagen deltok Kronprinsessa i ein debatt i regi av organisasjonen Population Services International (PSI) – med deltakarar frå helsesektoren globalt.
Den viktigaste bodskapen til Kronprinsessa var å styrkje samarbeid på tvers, ikkje minst mellom styresmakter og næringsliv. Ho trekte fram Noregs arbeid for å kjempe mot mødre- og barnedødelegheit.
Mottaking
Elles deltok Kronprinsessa tysdag på ein lunsj der statsministerfrua Datin Paduka Seri Rosmah Mansor var vertskap, og dessutan på ei mottaking for spesielt inviterte gjester i regi av Women Deliver. D.H.K. Kronprinsesse Mary av Danmark var òg til stades.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.