Helgøy kyrkje gjenopna
Hennar Majestet Dronning Sonja var til stades da gjenopninga av Helgøy kyrkje i Troms vart markert søndag. Rundt 300 menneske var med på å feire ei nyoppussa og 125 år gammal kyrkje.
Dronninga kom til Helgøya i Karlsøy kommune med Kongeskipet «Norge» og helsa blant anna på Jim Mølnes, eldsjel bak restaureringa.
Dugnad
Det vart halde gudsteneste under leiing av domprost Herborg Finnset. Etterpå vart det servert kyrkjekaffi og vaflar i det fine vêret.
For tre år sidan var Dronning Sonja på eit privat besøk til øya og kyrkja. Sidan den gongen har lokalbefolkninga lagt ned fleire tusen dugnadstimar for å få den vakre kyrkja i stand til 125-årsjubileet.
Fråflytta øy
Kyrkja vart i si tid sett opp på Hemnes i Helgeland i 1741, ho vart flytta til Hamn i Senja i 1876, og i 1889 kom ho til Helgøya. No er øya fråflytta vinterstid.
Under besøket stoppa òg Dronninga ved minnesmerke over offer i den andre verdskrigen frå Karlsøy.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.