Kontinuerleg drift i 200 år
Hans Majestet Kong Harald vil vere til stades når Kongsberggruppen markerer 200-årsjubileet sitt i Oslo Spektrum i kveld.
Kongsberg Våpenfabrikk vart grunnlagd av eidsvollsmannen og bergmeister Poul Steenstrup den 20. mars 1814. Det vart starten på det som skulle bli Kongsberggruppen – og starten på norsk forsvarsindustri. Bakteppet var sjølvsagt hendingane i 1814 med nytt sjølvstende og faren for ein krig med Sverige.
Frå produksjon av våpen og verktøy utvikla og utvida selskapet seg til det vi i dag kjenner som Kongsberggruppen: eit internasjonalt konsern som leverer høgteknologi innan offshore, shipping, forsvar og romfart, med kontor i over 25 land. Men hovudkontoret ligg stadig på Kongsberg.
Festmiddag
I kveld er styreleiar Finn Jebsen vert for middag og underhaldning i Oslo Spektrum. På det kunstnarlege programmet står både Ingebjørg Bratland, Arve Tellefsen, Joakim Røbergshagen, Lido-Lido, Ingrid Olava og Christel Alsos.
Det er òg venta at statsminister Erna Solberg vil halde tale for jubilanten.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.