Kronprinsen på NHOs årskonferanse
I dag var H.K.H. Kronprins Haakon til stades på NHOs årskonferanse i Oslo Spektrum. "Remix – det nye arbeidslivet" er temaet i år.
Står vi overfor ein ny industriell revolusjon? Kvar tredje norske jobb kan vere erstatta av ny teknologi innan 20 år, ifølgje NHO. I år har årskonferansen til organisasjonen temaet «Remix – det nye arbeidslivet», som omhandlar korleis verdiskapinga og det norske velferdssamfunnet skal sikrast i framtida.
Den digitale utfordringa
Ei sentral utfordring er korleis ein best kan møte den digitale utviklinga, korleis ny teknologi endrar jobbkvardagen til kvar enkelt, og korleis ungdom skal motiverast til å velje teknologi- og realfag. Samtidig med den digitale omstillinga blir meir fleksibilitet i arbeidsmarknaden etterspurd i ei tid der Noreg opplever både aukande arbeidsløyse og høgare innvandring.
På talarstolen
Forutan NHOs president Tore Ulstein og direktør Kristin Skogen Lund er Sintefs konsernsjef Alexandra Bech Gjørv, MIT-professor Andrew McAfee, LO-leiar Gerd Kristiansen, NAV-direktør Sigrun Vågeng og statsminister Erna Solberg blant dei som skal tale. Om lag 1300 deltakarar møter kvart år på konferansen, som denne gongen blir leidd av Linn Skåber.
I kveld deltek Kronprinsen på NHOs årsmiddag, som òg er lagd til Spektrum.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.