Opptakt til OL-festen
Hennar Majestet Dronninga opna nye Norges Olympiske Museum på Maihaugen i kveld. H.K.H. Kronprinsesse Mette-Marit var òg til stades i Lillehammer – dagen før Ungdoms-OL startar.
Museet viser Noreg som vertsnasjon for to olympiske vinterleikar og lèt dei besøkjande gjenoppleve folkefesten og minneverdige augneblinkar frå meisterskapa i 1952 og 1994. Sentral i utstillinga er ein modell av Lysgårdsbakkene – der Den Høgvørde Prinsesse Ingrid Alexandra tenner elden når Ungdoms-OL opnar fredag. Denne dagen opnar òg museet for publikum.
Delte eigne OL-minne
I opningstalen sin delte Dronninga nokre av sine eigne OL-minne. Blant anna opplevinga av å sjå Stein Eriksen vinne OL-gull i storslalåm i 1952, ein inspirasjon for fleire delar av livet:
– In 1952, I was fortunate enough to see Stein Eriksen winning the gold medal in giant slalom at Norefjell – at the Olympic Games – quite an experience for a 14 year old girl. At that moment I felt the wonderful sparkle of inspiration, and I started my first nervous efforts at down-hill. Over the years I learned an important lesson – which I think may apply to all aspects of life. That is: Be not afraid of great heights – and try once more, again and again till you reach your goal!
Arrangementet vart leidd av Dan Børge Akerø, og både tidlegare og nye OL-heltar var blant gjestene. Akerø intervjua Bjørn Dæhlie og Stine Lise Hattestad, i tillegg til Ole Edvard Antonsen om det å vere OL-musikar. Antonsen bidrog òg med fleire musikalske innslag i kveld.
På talarstolen var både direktør Jostein Skurdal og styreleiar Børre Rognlien frå Stiftelsen Lillehammer museum, kulturminister Linda Hofstad Helleland og IOCs president Thomas Bach, før Dronninga hadde æra av å stå for den offisielle opninga.
Dronning Sonja og Kronprinsesse Mette-Marit avslutta besøket med ei omvising i utstillinga.
Utstillinga
Det nye museet satsar på interaktivitet i utstillingane. Gjestene på museet kan prøve seg som skiskyttarar i ein eigen simulator, og videoinstallasjonen "Inside the race" skal la publikum kjenne på pulsen og trykket før ein konkurranse. Ei digital avis gjev oversikt over mediedekninga fram mot leikane både i Oslo i 1952 og i Lillehammer i 1994.
OL-historia er full av magiske augneblinkar, og ein kan få mange nostalgiske tilbakeblikk ved hjelp av gjenstandar, bilete og tablå frå leikane i både 1952 og 1994.
Ein modell av Lysgårdsbakkene på Lillehammer er midtpunktet i museet. Bakken får liv gjennom bilete og lyd, og det blir mogleg å gjenoppleve folkefesten, idrettsgleda, fargane og prestasjonane.
Historisk sus
Før flyttinga til Maihaugen låg Norges Olympiske Museum i Håkons hall. Også under opninga i 1997 var Dronninga til stades, den gongen i selskap av Kongen. Museet har som formål å "samle, bevare, formidle, dokumentere og drive forskning i materiale fra den olympiske historie, med hovedvekt på norsk olympisk historie og norsk idrettshistorie generelt".
Det er det einaste museet i Nord-Europa som viser heile OL-historia frå antikken og fram til i dag, ifølgje vertskapet.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.