Jubileumsparken 2016
I høve 25-årsjubileet til Kongeparet er det ekstra mykje å sjå og gjere i Slottsparken i sommar. Opninga av Jubileumsparken vart markert i dag.
I høve 25-årsjubileet til Kongeparet er det ekstra mykje å sjå og gjere i Slottsparken i sommar. Opninga av Jubileumsparken vart markert i dag.
Hans Majestet Kongen og Hennar Majestet Dronninga tok parken i augesyn i dag, da barnebarna planta jubileumstre i Dronningparken. Det nye tilskotet til trebestanden i parken er seks rognetre. Fire vart planta i dag, mens Marius og Maud sette sine i jorda alt på fredag.
Insekthotell
Oslos jubileumsgåve til Kongeparet er eit insekthotell. Det er forma som kjempestore kantarellar laga av fletta pil. Den største er over tre meter høg og har eit «trompetspenn» på 3,60 meter. Insektsbustadene er bygde inn i det smale partiet på soppane, og her kan insekta leggje egga sine.
Både bier og andre insekt slit med å finne stader å leggje egga sine, spesielt i urbane strøk, etter kvart som naturlige bustader som død ved og hole tre blir mangelvare. Dette hotellet vil bidra til det biologiske mangfaldet i parken.
Oslo-ordførar Marianne Borgen overrekte gåva saman med kunstnaren Tom Hare. Briten er kjend for dei vakre skulpturane sine i fletta plantemateriale, som òg er å sjå i Botanisk hage på Tøyen.
Aktivitetar i Jubileumsparken
Det er mange aktivitetar i Slottsparken i sommar. Det blir leselysthus og bokbytte, utstilling av historiske fotografi og informasjonspaviljongar langs Bredvegen, boulebane og belgplantebed. Den Norske Turistforening har hytter i parken, bemanna fleire dagar i veka, og Kongens Garde inviterer på både drilloppvisning og aktivitetsdagar.
Følg peikarane til høgre for fleire detaljar.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.