Luftig innviing av Dronningvarden
Hennar Majestet Dronninga innvigde Dronningvarden på 530 meters høgd i dag under ein tur på Stortinden i Nordland.
Varden, som Dronninga festa ein plakett til, består av to tonn stein. Frå fjellet har ein ei fantastisk utsikt over Vestfjorden, frå Ofoten i aust, nedover Hamarøy og Steigen til Landegode utanfor Bodø i sør. Det er Vesterålen Turlag og Lofoten Turlag som har stått for arbeidet med varden. Turlaga er to av dei største i distriktet og har også stått bak fleire av dei private turane til Dronninga i same område.
Fleire hundre turglade menneske i alle aldrar hadde teke turen opp på fjellet i dag. Like før varden ligg området som blir kalla Salen. Der vart det halde ein seremoni med kulturelle innslag i tillegg til talar. Trond Løkke, leiar Vesterålen Turlag, Vågan-ordførar Eivind Holst og Hadsel-ordførar Siv Dagny Aasvik stod for talane.
I takketalen sin sa Dronninga at ho håpa varden ville vere til inspirasjon for fleire til å komme seg ut på tur i det vakre landet vårt.
Den første i landet
Stortinden ligg i Raftsundet i dei to nemnde kommunane. Det er andre gong Dronninga er på toppen i seinare år. Den nye varden er ikkje berre den første dronningvarden i landet, men har òg vorte eit symbol på Dronningas glede over fjellet generelt og distriktet spesielt.
Det er òg andre gong på kort tid Dronninga er i Nordland, da Kongeparet nyleg besøkte Bodø som ein del av jubileumsreisa si. Dronninga har også tidlegare besøkt denne toppen.
Aktuelle saker
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.