Ønskjer nye helsegründerar velkommen
I kveld deltok H.K.H. Kronprins Haakon på opninga av eit nytt initiativ som vil auke satsinga på gründerar i helseindustrien.
Ein inkubator er ein organisasjon som skal gje starthjelp til gründerar. Den nye inkubatoren i Forskingsparken, som har fått namnet «Aleap», skal huse inntil 60 innovative gründerar i helseindustrien. Dei skal få tilgang til kompetanse og nettverk i arbeidet sitt for å utvikle helseprodukt.
Helseminister Bent Høie og byrådsleiar i Oslo Raymond Johansen var blant dei som var til stades under opninga av inkubatoren. Det er Inven2, Oslotech og Oslo Medtech som står bak det nye prosjektet, som har Universitetet i Oslo som næraste nabo.
- Vi forventar at alle som kjem inn i dette miljøet, skal dele erfaringane sine med kvarandre og dermed gje noko tilbake. Slik skaper vi eit godt arbeidsmiljø, sa leiar for inkubatoren Erling Nordbø under opninga.
Fekk sjå nyskapingar
Etter opninga fekk Kronprinsen møte nokre av helsegründerane som skal nytte seg av inkubatoren. Fridtjof Heyerdahl frå Epiguard har utvikla ein kuvøse for transport av smittefarlege pasientar. Jonas Tyssø viste òg fram arbeidet i Cardiaccs, der dei jobbar med hjartesensorar som blir festa direkte på hjartet. Det gjer det mogleg å overvake funksjonen til hjartet under og etter ein hjarteoperasjon.
Inkubatoren håpar å ha 20–40 selskap på plass i løpet av hausten.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.