Møtte innovasjonsmiljøet i Stavanger
Gründerånda er sterk i Rogaland. I dag fekk H.K.H. Kronprins Haakon møte delar av innovasjonsmiljøet i Stavanger-området.
Kronprinsen innleidde besøket sitt på Forus utanfor oljehovudstaden. Sidan oppstarten i fjor har Creator Makerspace tilbode ein felles arbeids- og møteplass for gründerar for å kople innovasjonsmiljøet nærare til industrien.
Syklar og straumsparing
Kronprinsen fekk ei omvising i inkubatoren og dessutan ein presentasjon av selskapet Smart Plants av leiar Sjur Usken. Smart Plants jobbar med å gjere næringsbygg sjølvdrivne, blant anna ved å samle data frå sensorar for å effektivisere straumforbruket. Seinast i oktober vann selskapet «Angel Challenge»-konkurransen i Stavanger. Her kjempa ulike startups om ei investering på over 1 million kroner.
Undervegs vart det òg møte med Bolder, eit selskap som fordjupar seg i virtuell røyndom, og dessutan med menneska bak Podbike – ein elsykkel med tak som får deg dit du skal ved å bruke berre 1 % av energien som ein bil bruker.
Treffest igjen i Finland
I slutten av november reiser Kronprinsen til Helsinki i Finland, der over 15 000 deltakarar og 1600 oppstartsselskap vil vere til stades på innovasjonskonferansen Slush til idémyldring, promotering og nettverksbygging.
Det vil òg ei rekkje selskap frå Stavanger-området. Hos Innovation Dock, ein av Noregs største samlingsstader for gründerar med sine 3000 kvadratmeter, møttest nokre av desse bedriftene for å drøfte tankar og erfaringar før avreisa saman med Kronprinsen. Nils-Henrik Stokke frå Nettverk Stavanger gav òg tilhøyrarane ein presentasjon av utviklinga av gründermiljøet i regionen.
Kronprinsen lét seg imponere av det han fekk sjå.
– Inntrykket mitt er at det boblar i innovasjonsmiljøet i Stavanger. Det er kjempegøy å få eit tydelegare bilete av kva de driv med. Det at de kjem saman og samarbeider, trur eg er noko av nøkkelen for å lykkast, sa han ved slutten av dagen.
Les meir om Slush-konferansen i peikaren til høgre.
Aktuelle saker
Kirkemusikkfestival
Hennes Kongelige Høyhet Kronprinsesse Mette-Marit var til stede under konsert med Gjermund Larsen Trio, med gjesteartist Tuva Syvertsen, i Ris kirke.
Besøkte Nordic Response
Tusenvis av norske og allierte soldater trener nå sammen på å forsvare Norden. Hans Kongelige Høyhet Kronprinsregenten besøkte denne uken militærøvelsen Nordic Response.