Pølsefest i Skimuseet
Hans Majestet Kong Harald vart feira med pølsefest i kveld. Kongefamilien og over 100 unge langrennsløparar frå heile landet deltok.
I morgon konkurrerer langrennsløparane i ein stafett i Kongens namn – Kong Haralds ungdomsstafett. Skirennet er 80-årsgåva til Kongen, og bak står Skiforeningen, Noregs Skiforbund og Noregs idrettsforbund.
Skiungdommen talte til Kongen
Før det vart servert pølser og brød, brus og kanelbollar, var det talar til den skiinteresserte jubilanten. To representantar for skiungdommen talte til Kongen – Lars Young Vik frå Vestre Akers Skiklubb i Oslo og Frida Haugskott frå Buvik Idrettslag i Sør-Trøndelag.
– Det er sjølvsagt ikkje tilfeldig at norsk idrett har gjeve Kongen ein ungdomsstafett i 80-årsgåve. Kongen er både ungdommeleg og veldig oppteken og glad i idrett. Og samtidig er Kongen veldig glad i ein retteleg pølsefest, akkurat som vi ungdommar, sa langrennsløpar Frida Haugskott til smil og latter frå 80-årsjubilanten og dei andre som var til stades.
Alle stemte i med «Hurra for deg», og så var maten servert. Kongefamilien samtalte med fleire spente langrennsløparar i løpet av pølsefesten.
Kongen fekk ærespris
Kong Harald vart òg tildelt prisen The King Olav Trophy av styreleiar Jon Hindar i Skiforeningen. Prisen blir gjeven til personar som har gjort ein særleg innsats for å fremje skiidrett på internasjonalt nivå.
The King Olav Trophy. Foto: Liv Anette Luane, Det kongelege hoffet
Det var Kongen som sjølv overrekte prisen sist han vart utdelt. Det skjedde i februar 2016 da tidlegare skipresident og visepresident i Det internasjonale skiforbundet FIS Sverre Seeberg fekk prisen. Sverre Seeberg var òg til stades på pølsefesten i Skimuseet og talte til 80-årsjubilanten saman med idrettspresident Tom Tvedt og skipresident Erik Røste.
Prisen er ein kopi av skimonumentet over Kong Olav på ski, saman med hunden Troll. Statuen er laga av bilethoggaren Annasif Døhlen og står ved Holmenkollen skianlegg.
Holmenkollen skifestival
Tidlegare i dag har Kongen følgt kombinert og femmila i følgje med Prinsesse Astrid, fru Ferner. Før pølsefesten var det laghopp i Holmenkollbakken, der Austerrike gjekk heilt til topps før Tyskland og Polen og med Noreg på ein fjerdeplass.
Martin Johnsrud Sundby helsar på ein tilskodar etter sigeren på femmila i Holmenkollen. Foto: Liv Anette Luane, Det kongelege hoffet
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.