Noregs beste livreddarar samla
H.K.H. Kronprins Haakon var til stades under opninga av noregsmeisterskapet i livredning i dag. 197 livreddarar frå heile Noreg er samla for å konkurrere i Mossehallen i helga.
Det heile starta med høgtideleg innmarsj av dei 20 klubbane som deltek i NM.
Etter innmarsjen klipte Kronprins Haakon over snora som markerte at meisterskapet var i gang. Han fekk god hjelp av NM-deltakarane Carmen Rørstrøm (11 år) og Kim Lund (13 år), som heldt snora mellom seg. Celin Ullern (12 år) overrekte Kronprinsen ei saks til snorklippinga.
Redning av dokke
Den første konkurranseøvinga var 100 meter redning av dokke med symjeføter. Utøvarane stuper uti på akustisk startsignal med symjeføter og torpedobøye. Etter 50 meter fri symjing skal utøvarane klikke bøya rundt magebeltet på ei halvt nedsøkkt dokke. Deretter tauar utøvarane dokka som ligg inne i bøya, i 50 meter fri.
Øvinga hadde ni heat for kvinner og sju heat for menn.
Noreg i verdstoppen
Nivået på konkurranselivredninga i Noreg er høgt, og landslaget hevdar seg i toppen internasjonalt. Noreg har fleire medaljar i meisterskap på både junior- og seniornivå, seinast med bronse i VM i 2016.
Bak meisterskapet i år står Norges Livredningsselskap og Vestby svømme- og livredningsklubb.
Aktuelle saker
Åpnet Norsk Folkehjelps påskeberedskap
Deres Kongelige Høyheter Kronprinsregenten og Kronprinsessen åpnet årets påskeberedskap for Norsk Folkehjelp i dag. – Vi er imponert over arbeidet dere gjør - spesielt nå i påsken, sa Kronprinsparet til de frivillige.
Gjekk Ridderrennet
Den Høgvørde Kronprins Haakon var denne helga til stades på Beitostølen der Ridderrennet markerte sitt 60-årsjubileum. Saman med Gustav på 14 år gjekk Kronprinsregenten det tradisjonsrike langrennet.