Nye smarte, norske løysingar
H.K.H. Kronprins Haakon var på eit BI-seminar om grøn innovasjon i går. Seks bedrifter fekk vist fram korleis dei kan alt frå å redusere matsvinn til å erstatte regnskogtømmer med produkta sine.
Kronprinsen deltok på den delen av seminaret som skulle gje deltakarane inspirasjon frå bedrifter som har vore i front på grøn innovasjon.
Lyse Fiber-direktør Ane Marte Hausken og Otovo-gründer Andreas Thorsheim snakka optimistisk om energi, særleg solenergi.
Kristen Hovland, dagleg leiar i Keep-it Technologies, fortalde om korleis haldbarheitsmålarane deira for mat kan redusere matsvinnet. Kvart år blir det kasta 350 000 tonn etande mat i Noreg. Over 60 prosent av matsvinnet stammar frå privathushald. Ei lita brikke med eit innebygd termometer måler haldbarheita til ulike matvarer ut frå transport og oppbevaring. Målaren fortel om det er trygt å ete maten uavhengig av best-før-datoen på pakken.
Christian Jebsen er administrerande direktør i Kebony, som sel berekraftig, eksklusivt og vedlikehaldsfritt treverk til 32 land. Han delte sine erfaringar med seminardeltakarane, i tillegg til Tina M. Skagen i eSmart og Kjell F. Løvold i Cultura Bank.
Kronprinsens besøk til Handelshøyskolen BI i Oslo vart avslutta med ein lunsj der BI-rektor Inge Jan Henjesand og ansvarlege for seminaret deltok.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.