Kongen besøkte NATO
Hans Majestet Kongen besøkte NATOs hovudkvarter i Norfolk (USA) torsdag, og i dag var Kongen gjest ved hovudbasen for spesialoperasjonar i det amerikanske forsvaret i Tampa.
Kongens besøk skjer etter ein invitasjon. Kort etter velkomstseremonien i Norfolk møtte Kongen den norske kontingenten som er tilknytt NATO-hovudkvarteret.
Under besøket fekk Kongen ei omvising på basen og fleire orienteringar om verksemda. Torsdag kveld var Kongen gjest ved ein middag som sjefen for hovudkvarteret, general Denis Mercier, heldt i høve besøket.
Kong Harald tok seg god tid til å helse på barna som hadde møtt fram ved hovudkvarteret. Foto: NATO
Besøkte spesialstyrkane
I føremiddag (lokal tid) besøkte Kongen basen til dei amerikanske spesialstyrkane (US SOCOM). Basen ligg ved Tampa i Florida, og Kong Harald vart motteken av øvstkommanderande ved basen, general Raymond A. Thomas III, og nestkommanderande generalløytnant Charles Brown. Under deira leiing fekk Kongen ei brei orientering om styrkane og verksemda ved basen.
Besøket ved US SOCOM vart avslutta med eit møte mellom Kongen og den norske kontingenten i Tampa.
Aktuelle saker
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.