Bærekraft som konkurransefortrinn
Den Høgvørde Kronprinsregenten var måndag kveld til stades på konferansen Infinitum Think-In på Mesh i Oslo – under kveldsprogrammet som handla om miljøambisiøse prosjekt der næringslivet tek grep.
«I en verden der det grønne skiftet lar vente på seg, er det heldigvis noen som tar saken i egne hender», heiter det på nettsidene til konferansen.
Målet med konferansen er å inspirere med konkrete, gjennomførlege råd og talarar som bidreg til å dytte verda i ei meir berekraftig retning.
Kombinere miljø med økonomisk lønnsemd
Cilia Indahl, berekraftsdirektør i Aker BioMarine, snakka om berekraft som konkurransefortrinn med eksempel frå Tinder og tannpuss. Emily Callahan og Amber Jackson frå Blue Latitudes fortalde om korleis selskapet gjev offshore-konstruksjonar ein miljøvennleg makeover.
På talarlista stod òg kreativ leiar Ludvig Scheja i Triwa, administrerande direktør Stein Rømmerud i Coca Cola Norge, alpinist Aksel Lund Svindal og miljørådgjevar Elin Vatn i arkitektkontoret Snøhetta, som fortalde om sitt ansvar og dei mest miljøambisiøse prosjekta sine.
Førstelektor Per Espen Stoknes ved BI avslutta kveldsprogrammet med å snakke om vår solrike framtid.
Om Infinitum Movement
Kronprins Haakon vart følgd av varaordførar i Oslo Khamshajiny Gunaratnam, Kjell Olav Maldum og Randi Haavik Varberg frå Infinitum og prosjektleiar Maria Jartman i Infinitum Movement, som står bak konferansen.
Prosjektet Infinitum Movement er eigd av Infinitum, føretaket som eig og driv panteordninga. Infinitum Movement har sidan 2014 jobba for å skape engasjement og medvit omkring pant, og klima og miljø generelt.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.