Urnes stavkyrkje gjenopna
Dei siste to åra har kyrkja vore gjennom omfattande restaurering og er no gjenopna for publikum. Gjenopninga vart markert med gudsteneste og lunsj i dag. Fungerande biskop i Bjørgvin, Jan Otto Myrseth, forretta under gudstenesta.
Planta plommetre
Ein gong fanst ein hage i tilknyting til Urnes stavkyrkje. Etter gudstenesta planta Dronning Sonja eit plommetre for å bidra til å gjenskape denne hagen.
Restaureringa
Restaureringsarbeidet har vore eit samarbeidsprosjekt mellom Riksantikvarens stavkyrkjeprogram og Fortidsminneforeininga, som er eigar av stavkyrkja, med ekspertisehjelp frå blant anna handverkarar frå Jølster Bilelag og Norsk institutt for kulturminneforsking.
Grunnmurar og golv er restaurerte med same type materialar og handverksteknikkar som vart brukte da kyrkja vart reist tidleg på 1100-talet. Veggdekor og måleri er konserverte. Seinare i haust skal noko av taksponen skiftast ut, tårnet rettast opp igjen og kyrkja tjærebreast.
Riksantikvarens stavkyrkjeprogram starta i 2002. Programmet har som mål å setje i stand alle dei 28 stavkyrkjene i landet - både bygningar, inventar og utsmykking, og i tillegg lage ein grundig dokumentasjon av dei. Urnes stavkyrkje har vorte skanna både utvending og innvendig, slik at det no finst gode tredimensjonale, digitale teikningar av henne.
Under lunsjen, som vart halden i låven på Urnes gard, fekk gjestene høyre eit foredrag om dei gamle handverksteknikkane som vart brukte under arbeidet. Høvet vart òg markert med talar av riksantikvar Jørn Holme, statsråd Erik Solheim og ordføraren i Luster, Torodd Ornes, og det vart folkemusikk ved Asbjørg Ormberg.
H.M. Dronningen er beskyttar for Fortidsminneforeininga.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.