Hjerteaksjonen 2011

Hjarteprisen blir tildelt på grunnlag av viktige resultat innan hjarte- og karforskinga i Noreg. Professor Christensen får prisen for den banebrytande forskinga på hormonproduksjonen i hjartet og for etableringa av Senter for hjertesviktforskning.

Hjarteaksjonen

Nasjonalforeiningas Hjarteaksjon har to formål: å samle inn pengar til hjarte- og karforskinga i Noreg og å spreie informasjon om eit utvalt tema. Årets tema er fysisk aktivitet for førebyggje hjarteinfarkt.

Opninga i dag

Kong Harald vart møtt av leiaren av Nasjonalforeininga, John Kjekshus, og leiaren av Hjarte- og karrådet i Nasjonalforeininga, Cecilie Risøe, da han kom til Universitetets Gamle festsal i dag.

Temaet for årets hjarteaksjon vart introdusert gjennom professor Øyvind Ellingsens foredrag Mosjon som medisin. Duoen Sylvarstraum stod for musikalske innslag i programmet, på fele og toradar.

Sjølve prisutdelinga kom mot slutten av programmet, da Kongen overrekte Hjarteprisen 2011 til professor Christensen. Prisen består av eit beløp på 100 000 kroner, eit diplom og eit kunstverk forma av Lise Amundsen.

Nasjonalforeininga for folkehelsa

Nasjonalforeininga for folkehelsa er ein frivillig organisasjon som arbeider for å kjempe mot hjarte- og karsjukdom og demens. Sidan 1959 har Nasjonalforeininga samla inn over 1,7 milliardar kroner til hjarte- og karforskinga.