Hopp til hovedinnhold

Hans Majesteete Gånka Snåasese, Gïelevåhkoen rïhpestimmese

H.M. Gånka Harald guessine åarjelsaemien gïele- jïh maahtoejarngese, Gïelem Nastedh:se Snåasese båata, golken asken 23 biejjien. Desnie Gånka edtja saemien gïelevåhkoen rïhpestimmesne meatan årrodh.

Gïelevåhkoe tseegkesovvi guktie dejtie saemien gielide gåhtsajehtedh jïh maahtoem gïeli bïjre seabradahkesne bueriedidh. Jieliemassh, organisasjovnh, byjjes institusjovnh jïh jeatjah aktöörh eevtjesuvvieh saemien gïelide abpe våhkoem gåhtsajehtedh. Voestes aejkien saemien gïelevåhkoe hööltesovvi lij jaepien 2019 jïh lij Saemiedigkien initiatijve.

Hans Majesteete Gånka Harald åtna saemien gyhtjelassh vihkeles, jïh Gånka Harald lij meatan dennie voestes saemien gïelevåhkoen rïhpestimmesne jaepien 2019.

Mijjieh dan madtjeles Gånka sæjhta meatan Gïelevåhkoen rïhpestimmesne golken asken årrodh. Daate stoerre nuepie mijjese åarjelsaemien gïelem gåhtsajehtedh, menh aaj dejtie mubpide saemien gïelide gåhtsajehtedh mah Nöörjen raedtesne, Gïelem Nastedh:n, gïelejarngen biejjieladtjeåvtehke, Hanne-Lena Wilks jeahta.

Retnoe aelkedh soejkesjidh

Saemiedigkie mij lea Gånkam Snåasese bööreme, jïh Gïelem Nastedh mij Gånkam dåastohte. Saemiedigkie, Gïelem Nastedh jïh Staatehaaltoje sijhtieh retnoe aelkedh soejkesjidh jïh programmem buektedh gosse Gånka guessine båata.

Saemien gïelh

Saemien gïelh dovne Nöörjesne, Sveerjesne, Såevmesne jïh Russlaantesne soptsesuvvieh. Luhkie joekehth gïelh gååvnese, menh Nöörjen raedtesne ajve golme gïelh nuhtjesuvvieh:

  • Noerhtesaemiengïele
  • Luvliesaemiengïele
  • Åarjelsaemiengïele

Åarjelsaemiengïele lea alvas aajhtasovveme, menh daah minngemes jaepieh tjarki gïeligujmie barkeme guktie gïelide nænnoestidh, åarjelsaemiengieline aaj, mij Noerhtelaantesne, Trööndelaagesne, Innlaantesne jih Sveerjen raedtesne.

Priv. til red

Dïhte programmebarkoe jïh tjïelkesoejkesjimmie Staatehaaltoen ektine. Bïevnese meedijen akkerediteeringen bïjre båata gosse lïhkebe båetebe. Sjïere presseprogramme dle båata.

 

11.05.2022

Del denne artikkelen på Facebook eller Twitter

Del på Twitter Del på Facebook