Kronprinsen i Lofoten
H.K.H. Kronprins Haakon deltok i dag på Dignity Day på Vest-Lofoten videregående skole i Leknes.
Dignity Day er eit totimars skoleopplegg som skal bevisstgjere ungdom på kva verdigheit er, og korleis verdigheit vedkjem oss alle i kvardagen.
På slutten av dagen samla 280 elevar, lærarar og rettleiarar seg i gymsalen i Lekneshallen. Femten elevar delte historier i plenum, der dei fortalde om noko bra dei har gjort for andre eller andre har gjort for dei.
- Det krev mykje mot å stå her oppe, understreka Kronprinsen, som sjølv leidde den føregåande samtalen i eitt av klasseromma.
Kronprins Haakon uttalte òg at det var godt å vere tilbake i Lofoten og den fantastiske naturen her. Ein liten bit av den nordnorske naturen fekk Kronprinsen med seg heim, i form av ein skarv i smijern. Rektor Søren Fredrik Voie og elevrådsleiar Emma Bentsen overrekte skarven som gåve frå skolen – den same gåva Kong Olav fekk under sitt besøk i Lofoten i 1963.
Global Dignity Day
Besøket er ein del av oppkøyringa mot den landsomfattande markeringa av Global Dignity Day 17. oktober. I fjor deltok 27 000 elevar frå 143 vidaregåande skolar i Noreg. Sentralt i opplegget står rettleiarar frå eit breitt spekter av frivillige og ideelle organisasjonar.
Arbeidet med å gjennomføre Global Dignity Day i Nordland blir leidd av Nordland Røde Kors.
Meir enn 50 land
Kronprins Haakon etablerte Global Dignity i 2006 saman med professor Pekka Himanen frå Finland og leiaren av Operation Hope, John Bryant frå USA. Sidan den gongen har det vorte arrangert såkalla Dignity Days i meir enn 50 land verda over.
Global Dignity er ein uavhengig, ideell og politisk nøytral organisasjon. Visjonen til Global Dignity er å verkeleggjere den universelle retten alle menneske har til å leve verdige liv. Global Dignity har tre formål: å fremme verdigheitsbasert leiarskap, å stimulere til ein global samtale om verdigheit – og å engasjere ungdom i kor viktig verdighet er.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.