Kongeleg dåp i Stockholm
Prinsesse Estelle er nummer to i arverekkja til den svenske trona, etter mor si, Den Høgvørde Prinsesse Victoria. Prinsessa vart fødd 23. februar 2012 og ber tittelen Hertuginne av Östergötland.
Kongehusa i Belgia, Danmark, Nederland og Noreg var representerte på gjestelista, saman med Storhertugen av Luxemburg, det finske presidentparet, den islandske førstedama og ei rekkje representantar for diplomatkorpset og det offisielle Sverige.
I tillegg til Kronprins Haakon var òg Prinsesse Märtha Louise til stades i følgje med ektemannen sin, Ari Behn.
Fadrar
Kronprinsesse Victoria og Prins Daniel hadde valt fem fadrar til Prinsesse Estelle: Prinsen av Oranien, Prins Willem-Alexander av Nederland, Kronprins Haakon, Kronprinsesse Mary av Danmark, Prins Carl Philip av Sverige og søster til Prins Daniel, Anna Westling Söderström.
Etter seremonien heldt Hans Majestet Kong Carl Gustaf og Hennar Majestet Dronning Silvia ei mottaking på Det kongelege slottet.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.