Måleri av eidsavlegginga avduka
Han Majestet Kongen og Hennar Majestet Dronninga var tysdag til stades ved ein seremoni i Stortinget. Høvet var avdukinga av måleriet som viser Kongens eidsavlegging i Stortinget 21. januar 1991.
Måleriet som vart avduka, er eit parallellverk til måleriet som Stortinget gav Kongeparet i samband med 75-årsdagane tidlegare i år. Den gongen som no var det stortingspresident Dag Terje Andersen som stod for avdukinga.
Løva som symbol
Motivet viser Kong Harald og Dronning Sonja gåande inn i Stortinget under eidsavlegginga i 1991, følgd av ei løve, symbolet i riksvåpenet.
I bakgrunnen av måleriet har kunstnaren gjeve att Oscar Wergelands måleri av eidsvollsmennene som vitne til hendinga.
Gåve frå Stortinget
Kunstnaren Anne Sofie Monrad Vistven står bak begge måleria. Ho bur og jobbar i Oslo og vart uteksaminert frå Statens Kunstakademi i 2005.
Under avdukinga i Stortinget heldt kunstnaren ein tale saman med stortingspresidenten og leiar av konkurransejuryen Per-Kristian Foss.
Vistven vann konkurransen om å måle Stortingets fødselsdagsgåve til Kongeparet i konkurranse med tre andre biletkunstnarar.
Måleriet skal henge i Vandrehallen på Stortinget ved sida av måleriet av Kong Haakons eidsavlegging i 1905.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.