Tilbake på Haakonsvern
I dag var D.H.K. Kronprins Haakon tilbake på Haakonsvern, Sjøforsvarets hovudbase utanfor Bergen. Høvet var feiringa av 50-årsjubileet til orlogsstasjonen.
Kronprinsen var sjølv stasjonert på Haakonsvern under den militære utdanninga si. I dag vende han tilbake for å markere jubileet.
21 kanonskot ønskte Kronprinsen velkommen da han kom i dag tidleg, i følgje med generalinspektøren for Sjøforsvaret, kontreadmiral Bernt Grimstvedt. Etter ei kort orientering om verksemda ved Haakonsvern i dag drog følgjet til appellplassen for inspeksjon.
Inspiserte æresgarden
På appellplassen vart det høgtideleg inspeksjon av æresgarden ved stasjonen, som består av 48 vernepliktige. Inspeksjonen vart etterfølgd av talar, både frå forsvarsministeren og frå generalinspektøren for Sjøforsvaret.
Kronprinsen fekk ei kort omvising på det militære treningsanlegget, før han og dei andre gjestene fekk sjå ein film med høgdepunkt frå Haakonsverns historie.
Haakonsvern
Haakonsvern orlogsstasjon er hovudbasen til Sjøforsvaret og den største marinebasen i Norden. Han ligg åtte kilometer vest for Bergen sentrum, og om lag 4 000 personar tenestegjer her – som vernepliktige eller som militært eller sivilt tilsette.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.