Gudsteneste i Dronningparken
I ettermiddag vart 40-årsdagen til H.K.H. Kronprinsessa markert med friluftsgudsteneste i Dronningparken. Sjølve fødselsdagen er i morgon, 19. august.
Både Kongen og Dronninga, heile Kronprinsfamilien og Prinsesse Märtha Louise med familie var til stades under gudstenesta.
Sidan 2001 har Kronprinsesse Mette-Marit markert fødselsdagen sin med ei gudsteneste for venner og familie i Slottskapellet. I år var markeringa flytta til Dronningparken og utvida både med medarbeidarar og enkeltpersonar og representantar for organisasjonar Kronprinsessa har møtt gjennom arbeidet sitt. Det var Kongeparet som var vertskap for arrangementet.
Sol og solsikker
Mange av dei om lag 350 gjestene vart utstyrte med regnkapper – men i staden braut sola gjennom da gudstenesta starta. I skråningane omkring grassletta der det heile vart gjennomført, pryda tallause solsikker "kyrkjerommet".
Gudstenesta
Biskop emeritus Gunnar Stålsett forretta, bistått av studentprest og liturg Inger Anne Naterstad. Stålsett bygde preika si rundt historia frå Lukasevangeliet om Sakkeus som klatra opp i eit morbærtre for å få sjå Jesus.
Koret Soul Children, Solveig Slettahjell og Sondre Bratland gav vakkert tonefølgje til seremonien, som òg omfatta nattverd.
Prinsesse Ingrid Alexandra las Frans av Assisis bønn.
Kyrkjekaffi
Da gudstenesta var over, heldt Kong Harald og Dronning Sonja ein liten tale for Kronprinsessa, før dei inviterte alle på kyrkjekaffi. Lenger inn i Dronningparken var det dekt med kaffi og kaker, frukt, bollar og saft.
Heile gudstenesta blir send på NRK klokka 17.00.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.