Mellom to stolar
Dei fleste som har eit rusproblem, har òg eit psykisk helseproblem. I dag var H.K.H. Kronprinsessa til stades under opninga av den 6. nasjonale kongressen om rus og pyskisk helse ein arena der fagfelta møtest.
Fagfelta rus og psykisk helse er i ferd med å møte kvarandre. Dei fleste som har eit rusproblem, har òg eit psykisk helseproblem. Derfor vil samhandling vere eitt av fleire sentrale tema på kongressane
Samlar ulike fagfelt
Kongressen er ein viktig møteplass for fagfolk som ønskjer å formidle ny kunnskap, men òg for fagfolk som ønskjer å høyre om ny forsking og erfaring. På den måten blir kongressen ein arena for utveksling av kunnskap, erfaring og synspunkt, noko som igjen kan bidra til eit betre og breiare kunnskapsgrunnlag.
Opninga
Kongressleiar Lilleba Fauske kunne ønskje velkommen til den 6. kongressen med fokus på dobbeltdiagnoseproblematikken rus og psykisk helse. Det er første gong kongressen blir arrangert i Oslo, etter ti år i Trondheim.
Igor Rybak stod for eit musikalsk innslag, før helse- og omsorgsminister Bent Høie heldt innlegg om regjeringas politikk innan rus og psykisk helse framover.
Program
Mange sentrale og kunnskapsrike personar er inviterte til å presentere viktig kunnskap under kongressen, blant anna direktør for Helsetilsynet Jan Fredrik Andresen, professor dr.juris. Aslak Syse og assisterande helsedirektør Øystein Meland, som avsluttar kongressen onsdag 12. februar.
80 fagpersonar vil presentere oppdatert kunnskap i plenum, fagsesjonar og parallellsesjonar. 500 deltakarar frå heile landet er med. Nesten 60 kommunar og 20 helseføretak er representerte, i tillegg til fylkesmannsembeta, fag-, brukar- og interesseorganisasjonar, private behandlingsinstitusjonar og høgskolar/forskingsmiljø.
Breitt samarbeid
Kongressen er eit samarbeid mellom Faglig Forum som teknisk arrangør og Helsedirektoratet, Nasjonalt Folkehelseinstitutt, Oslo kommune, SERAF, SIRUS og Høgskolen i Oslo og Akershus, som alle har vore representerte i programkomiteen.
Aktuelle saker

Åpnet årets Likestillingskonferanse
– Vi hadde kommer så langt. Vi har ikke råd til å miste alle disse fremskrittene, sa H.K.H. Kronprins Haakon da han satte fokus på pandemiens innvirkning på likestillingsarbeidet verden over.

– Det er mye gull å hente
Nærmere 120 000 unge under 30 år står utenfor arbeid og skole. Hans Kongelige Høyhet Kronprinsregenten talte til kommunesektoren om hvordan ungdom kan føle tilhørighet til det samfunnet de er en del av.