Julegudsteneste
Hans Majestet Kongen, Hennar Majestet Dronninga og Kronprinsfamilien var til stades ved den tradisjonelle juledagsgudstenesta i Holmenkollen kapell ved inngangen til Nordmarka i Oslo i dag.
Sokneprest Jan-Erik Heffermehl tok imot Kongefamilien og førte følgjet inn i kapellet. Under preika tok soknepresten utgangspunkt i første kapittel i Johannesevangeliet. Dei musikalske innslaga stod Aejin Park og Holmenkollen Kammerkor for.
Kongeparet og Kronprinsfamilien feirar jula på Kongssetra.
Holmenkollen kapell
Holmenkollen kapell vart opphavleg bygd i 1903 som ei panelt trekyrkje med stolpekonstruksjon. I 1992 brann kapellet ned, men det vart oppført på nytt i 1996. Dagens kapell har korsplan og 200 sitjeplassar. Det er bygd med inspirasjon frå stavkyrkjene med massiv plank og søyler i veggene av tettvaksen furu frå Rauland og Heidal. Bogane er laga av massive granrøter, og berre gamle handverksteknikkar er nytta.
Aktuelle saker
Åpnet Norsk Folkehjelps påskeberedskap
Deres Kongelige Høyheter Kronprinsregenten og Kronprinsessen åpnet årets påskeberedskap for Norsk Folkehjelp i dag. – Vi er imponert over arbeidet dere gjør - spesielt nå i påsken, sa Kronprinsparet til de frivillige.
Gjekk Ridderrennet
Den Høgvørde Kronprins Haakon var denne helga til stades på Beitostølen der Ridderrennet markerte sitt 60-årsjubileum. Saman med Gustav på 14 år gjekk Kronprinsregenten det tradisjonsrike langrennet.