Kongemåleri avduka

Dei nye måleria er måla av kunstnaren Ross Kolby og framstiller Kong Haakon VII, Kong Olav V og Kong Harald V. Majestetane er portretterte i ein alder av 78 år.

I sin tale framheva kunstnaren kva dei tre generasjonane av kongelege betydde for den norske motstandskampen, og korleis han har arbeidd fram portretta.

Direktøren for Forsvarets museum, Anne Bergh, stod for avdukinga, før Kongen tok måleria i nærare augesyn saman med kunstnaren Ross Kolby.

Dei tre måleria skal henge på Noregs Heimefrontmuseum i Oslo.

Rundt 200 menneske var til stades under avdukinga, blant dei forsvarsminister Ine Eriksen Søreide og Oslo-ordførar Fabian Stang.