Konferanse om reproduktiv helse
H.K.H. Kronprinsessa var i ettermiddag til stades under den internasjonale EuroNGOs-konferansen om reproduktiv helse som blir arrangert over to dagar i Oslo.
EuroNGOs er eit europeisk nettverk som arbeider for å fremje universell tilgang til seksuell og reproduktiv helse og seksuelle og reproduktive rettar (SRHR) over heile verda. Konferansen i Oslo fokuserer på korleis det sivile samfunnet kan bidra til og arbeide vidare med den nye utviklingsagendaen post-2015. I tillegg ønskjer ein å fokusere på tema som har vorte utelatne eller berre marginalt inkluderte, med eit særleg søkjelys på seksuell og reproduktiv helse og seksuelle og reproduktive rettar.
Famnar heile verda
EuroNGOs består av 22 organisasjonar som arbeider innanfor SRHR. I tillegg har ein samarbeidspartnarar frå heile verda.
Hovudarbeidet til EuroNGOs er å leggje til rette for samarbeid ved å generere og dele informasjon og kunnskap, styrkje ferdigheiter og jobbe fram samla politiske innspel og tiltak.
Konferansen i Oslo er ei oppfølging av tidlegare EuroNGOs-konferansar i Brussel, Berlin og Madrid.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.