Filadelfiakyrkja 100 år

Prinsessa vart motteken av forstandarane i kyrkja, Håkon Jahr, Daniel Egeli og Andreas Hegertun.  Sjølve jubileet vart markert med ein festkonsert der pastor Egil Svartdahl heldt festtalen.

Tilslutta Pinserørsla

Filadelfia Oslo vart grunnlagd av Thomas Ball Barratt i 1916 og var den første kyrkjelyden i Kristiania som var tilslutta pinserørsla. Sjølv om kyrkjelyden formelt vart danna i 1916, nesten ti år etter etableringa av pinserørsla i Noreg, hadde «kyrkjelyden» alt halde møte i Kristiania, i ulike leigde lokale, heilt frå 1910.