- Er dronningen heime og koker middag?
Over 28 000 menneske har besøkt DNTs turisthytter i Slottsparken i sommar. I dag fekk H.M. Dronninga overrekt hyttebøkene, fulle av helsingar frå små og store parkgjester.
DNT-hyttene Hovinkoia og Skåpet vart plasserte ut i det som i sommar vart kalla Jubileumsparken i samband med 25-årsmarkeringa til Kongeparet. 28 500 personar var innom hyttene over 17 helger – frå 13. juni til 4. september. Mange av dei skreiv seg inn i hyttebøkene, og i dag vart helsingar frå inn- og utland overleverte av styreleiar Berit Kjøll og generalsekretær Nils Øveraas.
«Hei til Kongen og Dronninga. Gabriel på 3 år lurte på om du var heime og kokte middag?» skriv ein.
Utover hyggelege beskjedar til Kongen og Dronninga tyder meldingane på at hyttene har inspirert turgleda blant dei besøkjande:
«Greetings from Minnesota. We love these huts and look forward to planning a Norwegian hiking tour», skriv ein annan.
Publikum som ikkje rakk innom i sommar, kan sjå Hovinkoia på Norsk Folkemuseum i Oslo. Ho er ei av dei eldste DNT-hyttene og har stått modell for mange andre rundt om i landet. Skåpet, som er ein heilt ny modell, blir etter kvart å finne ved Lysefjorden i Rogaland.
Takk for besøket!'
-
Overlevering av hyttebøker DNT
H.M. Dronningen fikk overrakt hyttebøkene fra Slottsparken av DNTs styreleder Berit Kjøll og generalsekretær Nils Øveraas. Foto: Lise Åserud/NTB scanpixBilde 1 av 1
Større bildeAktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.