Besøkte rusfri avfallsbedrift
Kronprinsparet vart med ut på ruta til renovasjonssjåfør Svein i dag. Han er tilsett i den vesle bedrifta Medarbeiderne i Oslo som berre rekrutterer medarbeidarar med rusbakgrunn.
Bedrifta gjer kjeldesortering enklare for over 1000 husstandar i Oslo.
Dei Høgvørde Kongelege Kronprinsen og Kronprinsessa fekk utlevert arbeidsantrekk og vart med Medarbeiderne ut på Godlia i Oslo for å hente glas- og metallemballasje heime på trappa hos kundar.
Kronprinsesse Mette-Marit sorterer glass og metall. Foto: Gorm Kallestad / NTB scanpix
– Gje folk ein sjanse
– Vi er ein ordinær arbeidsplass, og ambisjonen er å tene våre eigne pengar utan ekstern støtte, seier gründer og dagleg leiar Chris Klemmetvold i Medarbeiderne.
– Dette er ressurssterke folk. Det handlar om å gje folk som fortener det, ein sjanse. Folk som har slutta med rus, kan òg jobbe.
Vaflar og bordtennis
Etter å ha sett korleis bedrifta kjeldesorterer, vart Kronprinsparet med på kontoret for å spele bordtennis, ete vaflar og snakke med nokre av dei tilsette.
Medarbeiderne har 15 tilsette og har både privathushald og bedrifter som kundar.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.