Heidra unge i musikkbransjen
Musikkfestivalen by:Larm er i gang. I dag var Den Høgvørde Kronprinsen til stades for å dele ut diplom til dagleg leiar Mina Evenrud og 19 andre unge bransjefolk.
Norsk og nordisk musikk gjer det stort ute og heime. Bak artistar, låtskrivarar og produsentar står ein hel bransje engasjert i festivalar, plateselskap og management. Dei gjer eit viktig arbeid for å ta vare på og utvikle artistane. I dag ville bransjen heidre talenta sine under 30 år som set musikk frå Norden på kartet internasjonalt.
Fem nordmenn fekk diplom
I dag vart 20 bransjetalent heidra i Mathallen i Oslo i samband med opninga av årets by:Larm-festival.
Mina Evenrud i by:Larm er eit av musikkbransjetalenta som fekk diplom i dag. Foto: Håkon Mosvold Larsen / NTB scanpix
Fire andre nordmenn kom inn på lista i tillegg til Mina Evenrud i by:Larm: Yonas Tesfamichael Aregai i plateselskapet MER, Andres Dahl i Paperclip som jobbar med musikkmanagement, Margit Bøhn i Universal Music Sweden og Karen Norbakk i Mandelbaum Management.
I tillegg delte Kronprinsen ut diplom til sju svenskar, fire danskar, tre finnar og éin islending på lista Nordic Music Biz 20 under 30.
Musikklunsj
Bak kåringa står NOMEX, fellesorganisasjonen for dei nordiske eksportkontora for musikk, der Music Norway er representert.
Musikklunsjen vart halden i høve by:Larm på Mathallen i Oslo. Foto: Håkon Mosvold Larsen / NTB scanpix
Etter utdelinga var det lunsj og mingling der Kronprinsen fekk høve til å snakke med nokre av bransjetalenta.
Aktuelle saker
Tilbake på Berkeley
Hans Kongelige Høyhet Kronprinsen begynte andre dag av besøket til USAs vestkyst på sitt gamle universitet, UC Berkeley. Det ble også anledning til å besøke San Quentin rehabiliteringssenter, der et nytt program er inspirert av norsk kriminalomsorg.
B-VM i paraishockey i Skien
Hennes Kongelige Høyhet Kronprinsesse Mette-Marit fulgte det norske landslaget i paraishockey til en komfortabel 18-0-seier over Storbritannia på hjemmebane tirsdag kveld.