Hopp til hovedinnhold

Markerte Frigjeringsdagen

Hans Majestet Kong Harald markerte Frigjeringsdagen og Forsvarets Veterandag i dag. Han la ned krans til minne om dei som har falle i teneste for Noreg. 

08.05.2019

Seremonien vart halden på Akershus festning i Oslo, der Kongen inspiserte ei honnøravdeling frå Forsvaret før han la ned krans ved Nasjonalmonumentet. Fleire F-16 jagerfly gjorde ein overflyging over festningsområdet kort tid etter at Kong Harald kom dit.

Kong Harald la ned krans til minne om dei som har falle for Noreg. Foto: Heiko Junge / NTB scanpixKong Harald la ned krans til minne om dei som har falle for Noreg. Foto: Heiko Junge / NTB scanpix

Utmerkingar

Det er tradisjon å tildele medaljar for innsats i militære operasjonar under det årlege arrangementet på Akershus festning. I år vart 16 soldatar dekorerte for sin innsats. Medaljane som er tildelte i år, er St. Olavs medalje med eikegrein, Krigsmedaljen, Forsvarets medalje for edel dåd og Forsvarets innsatsmedalje. Kongen gratulerte mottakarane etter medaljeseremonien.

Kongen markerte Frigjeringsdagen og Forsvarets Veterandag på Akershus festning. Foto: Heiko Junge / NTB scanpixKongen markerte Frigjeringsdagen og Forsvarets Veterandag på Akershus festning. Foto: Heiko Junge / NTB scanpix

Stortingspresident og statsminister

Stortingspresident Tone Wilhelmsen Trøen, statsminister Erna Solberg, statsråd Frank Bakke-Jensen og forsvarssjef admiral Haakon Bruun-Hansen var også til stades under seremonien på Akershus, og det var statsministeren som heldt Talen for dagen. Major Asbjørn Olav Karlsvik heldt «Soldatenes tale».

Markeringa av Frigjeringsdagen vart avslutta med Fedrelandssalmen.

 

Relaterte lenker

Del denne artikkelen på Facebook eller Twitter

Del på Twitter Del på Facebook