Kongens eigen serieseglas
Hans Majestet Kong Harald er til stades under "H.M. Kongens serieseilaser" som blir arrangert i Oslofjorden mellom 20. og 22. august. Kong Haakon VII tok initiativ til regattaen alt i 1919.
Konkurransen er open for klassane 11-meter, Drake, H-båt, Knarr, IF, Snipe og Express. Ei av oppgåvene til Kongen er å starte dei forskjellige klassane.
Historisk seglas
Kong Haakon VII tok initiativ til desse seglasane alt i 1919. Den gongen var konkurransen mynta på 22 kvm-klassen, ein type båt Kronprins Olav hadde fått til 15-årsdagen i 1918. Etter at Kong Haakon døydde i 1957, overtok Kong Olav hans rolle i arrangementet.
Kong Harald følgjer regattaen frå Kongebåten Stjernen. Foto: Christian Ruscetta, Kongelig Norsk Seilforening
Kong Harald har – med få unntak – vore til stades som regattasjef og dommar kvart år sidan Kong Olav vart sjuk og døydde i 1991. I Kongens fråvær har Kronprinsen steppa inn som vikar. Kongelig Norsk Seilforening står som arrangør av seglasane.
-
Serieseilaser
Kong Harald under Kongens Serieseilaser 2019. Foto: Christian Ruscetta, Kongelig Norsk SeilforeningBilde 1 av 2 -
Serieseilaser
Kong Harald under Kongens Serieseilaser 2019. Foto: Christian Ruscetta, Kongelig Norsk SeilforeningBilde 2 av 2
Større bilde
Større bildeAktuelle saker
Avslutta rundreisa i Florø
Småbåtar følgde Kongeskipet Norge inn mot kai i Florø – der Kongeparet steig i land og vitja Florø kulturhus for samtaler om korleis folk har hatt det under pandemien.
Kongeparet i Hyllestad
Deira Majestetar Kongen og Dronninga besøkte verftsindustri som har vore råka av koronautbrot, og samtalte med ein ung tilbakeflyttar til ei av dei små, idylliske stadane i Hyllestad – på andre dag av Kongeparets reise i Vestland.