Norsk Idretts Æresgalleri
Hans Majestet Kong Harald opna denne veka den digitale versjonen av Norsk Idretts Æresgalleri.
Suzann «Tutta» Pettersen, Odd-Bjørn Hjelmeseth og Knut «Kupper'n» Johannesen var blant dei som vart innlemma i idrettens nye digitale æresgalleri tysdag 11. februar.
Æresgalleriet er norsk idretts «Hall of Fame», og det er Norske Idrettsleder-Veteraner (NIV) som oppnemner nye medlemmer. Galleriet blir i år lagt ned i si noverande form, som fysiske bilete utstilte på Lillehammer, og er no tilgjengeleg for alle i eit digitalt galleri.
Knut «Kupper'n» Johannesen var blant dei som vart innlemma i idrettens nye digitale æresgalleri tysdag. Foto: Terje Pedersen / NTB Scanpix.
Det nye galleriet vart vist fram hos Det Norske Veritas i Bærum, og under den offisielle opninga vart 38 nye utøvarar og seks nye lag innlemma.
I Norsk Idretts Æresgalleri inngår om lag 220 av dei fremste idrettsutøvarane og laga i Noreg som har rørt det sportselskande norske folket i over 100 år.
Både Kong Harald og Kong Olav er tekne opp i galleriet for prestasjonane sine innan segling.
Det digitale æresgalleriet er eit samarbeidsprosjekt mellom Norske Idrettsleder-Veteraner (NIV) og NTB.
Alle bileta forlèt no det fysiske galleriet på Lillehammer for å bli tilgjengelege i eit ope, digitalt galleri. Dei vart viste fram hos Det Norske Veritas i Bærum. Foto: Terje Pedersen / NTB Scanpix.
Aktuelle saker
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.
Dugnadsdykk i Tromsø
Den Høgvørde Kronprinsen møtte dugnadsdykkarar frå Tarevoktere og følgde deira arbeid med å fjerne kråkebollar og atterreise tareskog – eit av jordas viktigaste økosystem.