Hopp til hovedinnhold

Kongen gjekk om bord

Årets sommarsesong er offisielt i gang for mannskap og offiserar på Kongeskipet «Norge» når Hans Majestet Kongen embarkerer skipet. Dette skjedde i ettermiddag.

06.05.2021

Kong Harald gjekk om bord saman med Den Høgvørde Kronprinsen for å inspisere at skipet er klart til å ta i bruk.

Tradisjonen med kongeleg embarkering går tilbake til 1948, da Kong Haakon VII fikk «Norge» i gåve frå det norske folket. Høvet var 75-årsdagen til Kongen og ønsket om å takke for Kong Haakons innsats i kampen mot den tyske okkupasjonsmakta.

Når seremonien er over, er sesongen offisielt i gang for Kongeskipet. Foto: Sven Gj. Gjeruldsen, Det kongelege hoffet

Kongen og Kronprinsen vart mottekne av skipssjefen, kommandørkaptein Geir Vidar Thorkildsen, da dei gjekk om bord frå Filipstadkaia i Oslo hamn.

Under mønstring av offiserar og mannskap uttrykte Kronprinsen eit håp om at alle ville få ei fin teneste om bord. Foto: Sven Gj. Gjeruldsen, Det kongelege hoffet

Dei siste vekene har det vore utført eit hektisk arbeid om bord for å gjere Kongeskipet klart for årets sesong. Tauverk er skifta ut, dørken er svabra, det er måla, flikka og pussa for at skipet skal vise seg frå si beste side. Sjølv maskinrommet skin når skipet skal inspiserast.

Mannskapet har stått på for å få alt «shipshape» til inspeksjonen. Foto: Sven Gj. Gjeruldsen, Det kongelege hoffet


På grunn av den pågåande pandemien er ikkje seglingsprogrammet for i år klart, men Kongeskipet vil bli å sjå seglande langs norskekysten i løpet av sommarhalvåret.

Fakta

Fakta om Kongeskipet:

Lengde: 80,2 meter
Bredde: 11,6 meter
Dybde: 4,7 meter
Bruttotonnasje: 1628 tonn

Maksimumsfart: 16 knop
Marsjfart: 14 knop
Rekkevidde: 6500 nautiske mil

Hjemmehavn: Oslo
Kallesignal: LAMA
Klasse: 1A1 Yacht
Maskineri: To Bergen Diesel, 1760 hk hver

Bygget av Camper & Nicholsons Ltd., Gosport, England i 1937.

Kongeskipet Norge pyntet for Kongens embarkering 11. mai 2016. Foto: Ivar Ekseth / NTB Scanpix

Del denne artikkelen på Facebook eller Twitter

Del på Twitter Del på Facebook